Աբու Դաբիի էմիր և Արաբական Միացյալ Էմիրությունների նախագահ շեյխ Խալիֆա իբն Զայդ Ալ-Նահայյանը հայտարարել է, որ սեփական հաշվին մարել է 6830 քաղաքացիների՝ ընդհանուր առմամբ 540 մլն դոլարի հասնող պարտքը:
Ինչպես հաղորդում է NEWSru Israel գործակալությունը, «համաներման» են ենթարկվել այն մարդիկ, ում պարտքը չի գերազանցում 270 հազար ԱՄՆ դոլարը:
Գործակալությունը գրում է, որ նրանք, ովքեր պարտքերը չվճարելու պատճառով գտնվում են բանտերում, մոտ օրերս ազատ կարձակվեն: Ըստ արաբական ԶԼՄ-ների՝ փոխարենը նրանք կպարտավորվեն իրենց աշխատավարձի մեկ քառորդը տալ պետությանը:
