Ֆրանսիական խոշորագույն BNP Paribas բանկը մտադիր է վաճառել իր վարկային պորտֆելի մի մասը: Ինչպես հայտնում է The Financial Times-ը՝ վկայակոչելով անանուն աղբյուրին, BNP Paribas բանակցություններ է վարում մոտ 11 միլիարդ դոլար արժողությամբ վարկերի վաճառքի վերաբերյալ, որոնք տված են նավթագազային ընկերություններին:
Պարբերականի տվյալներով, BNP Paribas-ի էներգետիկ ակտիվերն ունեն առնվազն երեք թեկնածու, սակայն նրանք դեռ անհայտ են: Թերթը գրում է, որ առավել հավանական թեկնածուներ են ԱՄՆ-ի և Կանադայի խոշորագույն բանկերը:
BNP Paribas բանկում չեմ մեկնաբանել ակտիվների վաճառքի մասին տեղեկությունը, սակայն FT-ի` բանկում ունեցած աղբյուրը հայտարարել է, որ կազմակերպությունը մտադիր չէ հրաժարվել էներգետիկ հատվածի հետ աշխատանքից և շարունակելու է վարկեր տրամադրել այս բնագավառի ռազմավարական հաճախորդներին:
Բանկը էներգետիկ ակտիվների իրացումն իրականացնում է 70 միլիարդ եվրո ընդհանուր գումարով վաճառքի շրջանակում, որի մասին BNP Paribas-ն հայտնել էր անցած տարվա սեպտմբերին: Բանկը որոշել է նման կերպ մեծացնել սեփական կապիտալը և ամրապնդել իր դիրքը, որի վրա բացասաբար է ազդել եվրոգոտու պարտքային ճգնաժամը:
