53 տարեկան Դեբբի Հյուգը ենթադրում էր, որ այդ տարիքում կարող է խնամել միայն իր թոռնիկներին: Բայց, ինչպես հաղորդում է Daily Mail-ը, չնայած հակաբեղմնավորիչ դեղահաբեր ընդունելուն, Դեբբին դարձել է Մեծ Բրիտանիայի այն փոքրաթիվ կանանցից մեկը, ով այդ տարիքում բնական եղանակով ծննդաբերել է իր երեխային:
Երեք երեխաների մայրը ծնել է մի առողջ տղա, ում անվանել են Կայլ: Կինը բժշկական ստուգում է անցել այն բանից հետո, երբ ընտանիքի անդամները ծաղրել են, որ նրա մի փոքր գիրանալը կապված է կրկին հղի լինելու հետ: Դեբբին, իհարկե, համոզված է եղել, որ նման բան հնարավոր չէ, բայց այժմ արդեն խնամում է իր չորրորդ երեխային, ով 26 տարով փոքր է իր մեծ եղբորից:
Դեբբին ասում է, որ ինքը տատիկ է ու շատ է սիրում իր թոռնիկներին, և չէր պատկերացնում, որ այդ տարիքում նորից կզգա, թե ինչ է նշանակում մայր լինել: Բժիշկներն ասում են, որ նման դեպքեր հազվադեպ են պատահում, և բրիտանացի կնոջ դեպքը զարմանալի է։
