Սուրբ Գրիգոր Լուսավորիչ բժշկական կենտրոնի աշխատակիցներից մեկը երեկ «ՀԺ»-ի խմբագրություն Է զանգահարել և պնդել, որ կենտրոնի տնօրինությունը պարտադրում է, որ ամեն բաժանմունքից 10 հոգի մինչև առաջիկա ընտրությունները դիմում գրեն և անդամագրվեն ՀՀԿ-ին:
«Հակառակվողները, ինչպես մեր թղթակցին է փոխանցել բժշկական կենտրոնի չներկայացած աշխատակիցը, կուսակցությանը կանդամագրվեն առանց դիմում գրելու: Ինչպես հայտնի է՝ բժշկական կենտրոնի տնօրենը Արա Մինասյանն Է (Սերժ Սարգսյանի խնամին): Մինասյանը մեր թղթակցի հետ զրույցում նախ հերքեց աշխատակիցներին պարտադրաբար ՀՀԿ-ացնելու մասին տեղեկությունը ՝ նկատելով, որ այդպիսի վայրենություն չէին կարող անել:
«Բայց ես մտածեցի, որ մենք ունենք «Առողջապահության կազմակերպիչների միավորում» հ/կ, որտեղ ես համանախագահ եմ: Մենք հիմա պատրաստվում ենք այդ հ/կ-ի համագումարին, որը Փետրվարի 4-ին է: Շատ բժիշկներ կան, որ այդ կազմակերպության անդամ են, բայց իրենց տվյալները չեն ներկայացրել: Մենք օրերս նիստ ենք արել ու որոշել ենք ամեն մեկս մեր աշխատակիցներին պարտադրել որ իրենց տվյալները մինչև համագումար ներկայացնեն: …Երևի շփոթել են, սխալ են հասկացել»,- ասաց Մինասյանը՝ հավելելով, որ ընդհանրապես, ինչպես բոլոր ընտրություններից առաջ, այնպես Էլ հիմա՝ բոլոր կուսակցություններին անդամագրումը ակտիվացել է»,- գրում է թերթը:
