Արգենտինայի նախագահը չորեքշաբթի կատակել է իր քաղցկեղի լուրերի վերաբերյալ և այնուհետև խստորեն պատասխանել Մեծ Բրիտանիայի վարչապետի այն հայտարարությանը, որ իր երկիրը «գաղութացման» նպատակներ ունի Ֆոլքլենդ կղզիների նկատմամբ:
Associated Press-ը հաղորդում է, որ քաղցկեղի սխալ ախտորոշումից հետո, որի պատճառով բժիշկները հեռացրել էին նրա վահանաձև գեղձը, Քրիստինա Ֆերնանդեսը հատուկ հեռարձակման ժամանակ իր սպին ցույց է տվել ողջ Արգենտինային:
Ընդդիմադիր Clarin և այլ լրատվամիջոցների ներկայացրած հարցերը իր ախտորոշման և վիրահատության մասին ստիպել են, որ նախագահը բացահայտի իր բժշկական ախտորոշման վերաբերյալ բոլոր տեղեկությունները: Նա այն 2 տոկոս հիվանդների շարքում է, որոնց քաղցկեղի մասին լուրերը փարատվում են միայն այն ժամանակ, երբ հեռացվում է վահանաձև գեղձը:
Լրագրողների հետ խոսելիս նախագահը նաև որոշել է պատասխանել Մեծ Բրիտանիայի վարչապետի ներկայացրած մեղադրանքներին` ասելով, որ Դևիդ Քամերոնն իրենց գաղութարարներ է անվանել միայն այն պատճառով, որ բավականաչափ փաստարկներ և պատճառներ չունի: Եվ այս դեպքում ուղղակի պետք է խուսափել նման մարդկանց պատասխան տալուց: