Նոր հետազոտության արդյունքում պարզվել է, որ միջին աշխատավարձ ստացող ամերիկացին մեկ ամսվա ընթացքում 500 դոլար ավել գումար է ծախսում սուրճի և ճաշի համար, քան երթևեկության։
Daily Mail-ը գրում է, որ Ամերիկայի աշխատուժի կեսը տարեկան միջինը 1000 դոլար գումար է ծախսում միայն սուրճի համար: Հետազոտությունն անցկացրել է Accounting Principals ընկերությունը:
Հետազոտությունը, որը հիմնված է եղել 1000 ամերիկացի աշխատողների պատասխանների վրա, նաև ցույց է տվել, որ աշխատողների երկու երրորդը տարեկան միջինը 2000 դոլար է ծախսում ճաշի համար:
Հետազոտությունն ապացուցում է, թե ինչու է Starbucks-ի եկամուտն այդքան բարձր, և թե ինչպես կարող են մարդիկ նվազեցնել իրենց ծախսը, եթե աշխատավայր ճաշը տանեն տանից, այլ ոչ թե գնեն խանութներից կամ արագ սննդի կենտրոններից: Հետազոտության արդյունքում նաև պարզվել է, որ տղամարդիկ շաբաթական գրեթե 25 դոլար են ծախսում սուրճ գնելու վրա, որը կրկնակի անգամ ավել է նույն նպատակով կանանց ծախսածից։
Հետազոտությունը ցույց է տալիս, որ իրականում մարդիկ չեն գիտակցում, թե որքան շատ գումար են ծախսում սննդի և սուրճի վրա: