РИА Новости-ի փոխանցմամբ՝ Ռուսաստանի և Թուրքիայի արտգործնախարարներ Սերգեյ Լավրովն ու Ահմեդ Դավութօղլուն կազմակերպված համատեղ մամլո ասուլիսի ժամանակ անդրադարձել են Սիրիայի խնդրին։
Լավրովը հայտարարել է. «Մոսկվան և Անկարան դեմ են Սիրիայում արտաքին ուժային միջամտությանը։ Մենք ունենք սկզբունքային դիրքորոշումներ, որոնք մեծամասամբ համընկնում են։ Մենք անկասկած հանդես ենք գալիս Սիրիայում բռնության դադարեցման, սիրիական խնդրի քաղաքական կարգավորման օգտին։ Մենք նաև կողմ ենք, որ արտաքին խաղացողները նպաստեն իրադարձությունների զարգացման հենց նմանատիպ սցենարին։ Մենք դեմ ենք արտաքին ռազմական միջամտությանը»։