Ինչպես տեղեկացրել է «Ժողովուրդ»-ը, Արմավիրի մարզի թիվ 21 ընտրատարածքից մեծամասնական ընտրակարգով Աժ պատգամավոր են ցանկանում դառնալ ՀՀԿ-ական Նահապետ Գևորգյանն ու ԲՀԿ-ական Ռուստամ Գասպարյանը, որոնց հարաբերությունները միշտ էլ լարված են եղել:
Ըստ «ժողովուրդ»-ի տեղեկությունների՝ վերջերս Սերժ Սարգսյանը ԲՀԿ նախագահ Գագիկ Ծառուկյանին ասել է, թե այդ ընտրատարածքից պատգամավոր պիտի դառնա Նահապետ Գևորգյանը, քանի որ իր ընկերն է, և ինքն արդեն խոսք է տվել նրան, որ կընտրվի:
«Երբ Ծառուկյանն առարկել է ու հարցրել, թե այդ դեպքում ինչ է լինելու Գասպարյանի հարցը, որն էլ իր մտերիմն է, Սերժ Սարգսյանն ասել է, թե ոչնչով օգնել չի կարող:
Հիմա այս ընտրատարածքի հարցը մնացել է օդում կախված: Չի բացառվում, որ թեկնածուներից մեկն առաջիկայում գործուղվի համամասնական ընտրացուցակ, եթե, իհարկե, ամեն ինչ չգնա առճակատման»,- հավելում է թերթը: