Կառավարության նախկին նախարարը պնդում է, որ Մեծ Բրիտանիայի նախկին վարչապետ Թոնի Բլեերը համաձայնել էր գաղտնի գործարք կնքել և Ջիբրալթարի միասնական ինքնիշխանությունը հանձնել Իսպանիային:
Փիթեր Հեինն իր հուշերում գրում է, որ Բլեերը համաձայնությունն Իսպանիայի կառավարության հետ կնքել էր 2002 թվականին` դրանով վերջ դնելով կարևոր դիվանագիտական տարածքում Մեծ Բրիտանիայի 300-ամյա վերահսկողությանը:
Հեինը գրում է, որ ինքն ու Բլեերը պատրաստ էին պայքարել Ջիբրալթարի բնակիչների դեմ` իրենց ուզածն անելու համար: Նա նաև գրում է, որ Բլեերի վերաբերմունքը բնակիչների նկատմամբ «արհամարհական էր»:
Եվրոպայի նախկին նախարարը բացահայտել է, որ Բլեերը կնքել էր գործարքը, քանի որ ցանկանում էր ստանալ Իսպանիայի կառավարության աջակցութունը՝ Ֆրանսիայի և Գերմանիայի դեմ ԵՄ բանակցություններում հաղթելու համար:
Daily Mail-ը գրում է, որ համաձայնությունը չեղյալ է համարվել ,երբ Իսպանիայի կառավարության ներկայացուցիչները, ովքեր ցանկացել են ունենալ տարածքի ամբողջական իշխանությունը, դեմ են դուրս եկել համաձայնությանը:
