Walt Disney ընկերությանը պատկանող զբոսայգիների աշխատակցիներին առաջին անգամ թույլատրելու են բեղ և մորուք ունենալ: Ինչպես հաղորդում է Associated Press գործակալությունը, այս մասին հայտնել է ընկերության ներկայացուցիչը:
Նոր կանոնները տարածվելու են Ֆլորիդայի և Կալիֆոռնիայի զբոսայգիների աշխատակիցների վրա և ուժի մեջ են մտնելու 2012 թվականի փետրվարի 3-ից:
Բեղ և մորուք ունենալու արգելքը գործում է 1955 թվականից` Կալիֆոռնիայում առաջին Դիսնեյլենդի բացումից ի վեր: 2000 թվականին ընկերության ղեկավարությունը վերանայել է իր քաղաքականությունը բեղերի վերաբերյալ և թույլատրել աշխատակիցներին բեղեր աճեցնել, սակայն՝ միայն արձակուրդի ժամանակ:
Աշխարհում գործում են մի քանի ժամանցային զբոսայգիներ, որոնք վերահսկվում են Walt Disney Parks and Resorts-ի կողմից: Ֆլորիդա նահանգում նմանատիպ զբոսայգին բացվել է 1971 թվականին և ստացել է The Walt Disney World անունը: Բացի այդ, Դիսնեյլենդեր կան Ֆրանսիայում, Ճապոնիայում և Չինաստանում:
