Բերքշիր կոմսությունում Թագավորական ձիարշավների կազմակերպիչները նարնջագույն պիտակ են փակցնում այն այցելուների վրա, որոնք խախտում են միջոցառման դրես-կոդը: Այս մասին գրում է The Times-ը: Նորամուծությունը վերամշակվել է հունվարի 21-ին, երբ ուժի մեջ են մտել ձիարշավի այցելուների հագուստի ընտրության նոր կանոնները:
Հանդիսատեսների վրա վառ պիտակներ փակցնելու որոշումն ընդունվել էր ձիարշավարանում հետագայում տուգանվող այցելուներին գտնելու գործը թեթևացնելու համար: Պիտակը ինքնատիպ ազդանշան է ձիարշավարանի աշխատակիցների համար, որ հագուստի վրա նման պիտակ կրող այցելուն նախազգուշացվել է դրես-կոդի խախտման մասին:
Սակայն որոշ այցելուներ իրենց հագուստի վրա նարնջագույն պիտակի հայտնվելը վիրավորական են համարում: Իմանալով այցելուների արձագանքի մասին՝ ձիարշավների կազմակերպիչները շտապել են պիտակների գաղափարն անվանել անհաջող և հայտարարել են, որ պրեմիեր-դասի ամբիոնից բոլոր հանդիսատեսներին վերադարձնելու են տոմսի համար վճարված գումարները:
Համաձայն նոր կանոնների` ձիարշավարանում տղամարդիկ չպետք է լինեն առանց բաճկոնի և փողկապի, իսկ կանայք միջոցառմանը չպետք է ներկայանան չափազանց կարճ շրջազգեստով:
