Վրաստանի խորհրդարանի նախկին խոսնակ, «Ժողովրդավարական շարժում-Միասնական Վրաստան» ընդդիմադիր կուսակցության առաջնորդ Նինո Բուրջանաձեն հայտարարել է, որ վերջերս ստեղծված «Վրացական կուսակցությունը» «ջուր է լցնում իշխանությունների ջրաղացին»:
«Վրացական կուսակցությունը» ջուր է լցնում իշխանությունների ջրաղացին, և ես կասկածում եմ, թե արդյո՞ք գործարք չի եղել մի շարք ընդդիմադիրների հետ»,- ասել է Ն.Բուրջանաձեն: Նրա խոսքով, «Վրացական կուսակցության» հետ իր դիմակայության նախաձեռնողները նրա ղեկավարներն են՝ պաշտպանության նախկին նախարար Իրակլի Օկրուաշվիլին և քաղաքական քարտուղար Էրոսի Կիցմարիշվիլին:
Բուրջանաձեն հանդես է եկել ընդդիմության միավորման օգտին, սակայն «միայն այն ընդդիմադիրների, ովքեր իրապես պայքարում են իշխանությունների դեմ»: Խորհրդարանի նախկին խոսնակը «Վրացական կուսակցության» ղեկավարներին այդպիսիք չի համարում, հայտնում է Новости-Грузия-ն: