Այսօրվա դրությամբ, ՀՀ ճանապարհային ոստիկանությունը կազմել է 4200 տուգանքի որոշում երթևեկությունը վերահսկող տեսախցիկների և արագաչափ սարքերի արձանագրած տվյալների հիման վրա. այս մասին «Առաջին լրատվական»-ին տեղեկացրին ՀՀ ոստիկանությունից:
Հիշեցնենք, որ հունվարի 16-ից Երևանի կենտրոնական փողոցներում գործարկվեցին երթևեկությունը վերահսկող տեսախցիկներն ու արագաչափ սարքերը: Կազմված տուգանքների հիման վրա գանձվելիք տուգանքների ընդհանուր գումարի չափը ոստիկանությունն առայժմ չի նշում: Ըստ ոստիկանության՝ տուգանքները հիմնականում երեք` չափի են 12 հազար, 17 հազար և 32 հազար դրամ:
Տեսախցիկները տեղակայված են.
Աբովյան-Կորյուն,
Կոմիտաս-Վաղարշյան,
Բաղրամյան-Մոսկովյան,
Բաղրամյան-Պռոշյան,
Մաշտոց-Թումանյան,
Մաշտոց-Ամիրյան,
Խանջյան-Տիգրան Մեծ,
Խանջյան-Սայաթ Նովա,
Արշակունյաց-Գրիգոր Լուսավորիչ,
Արշակունյաց-Գարեգին Նժդեհ փողոցների խաչմերուկներում:
Արագաչափ սարքերը տեղակայված են.
Իսակովի,
Արշակունյաց,
Մյասնիկյան,
Թբիլիսյան,
Աթենքի,
Բագրատունյաց,
Սարալանջի,
Աճառյան,
Լենինգրադյան փողոցներում և Երևան-Սևան ավտոճանապարհին (Երևան քաղաք մուտք գործող ուղղության վրա):