РИА Новости-ի փոխանցմամբ՝ Աֆրիկայի երկրների հետ համագործակցության գծով Ռուսաստանի նախագահի հատուկ ներկայացուցիչ Միխայիլ Մարգելովը պատասխանել է հունվարի 20-ին Վրաստանի նախագահ Միխեիլ Սաակաշվիլիի արած այն հայտարարությանը, թե Ռուսաստանը հարյուրավոր միլիոն դոլարներ է տրամադրում աֆրիկյան երկրներին, որպեսզի նրանք ճանաչեն Աբխազիայի և Հարավային Օսիայի անկախությունը, ինչպես որ եղավ խաղաղօվկիանոսյան Նաուրուի պարագայում։
Մարգելովը հերքել է այս մեղադրանքը՝ ընդգծելով, որ Ռուսաստանը երբեք Աբխազիայի ու Հարավային Օսիայի անկախության ճանաչման համար գումարներ չի հատկացրել աֆրիկյան որևէ երկրի. «Դա վրացական կողմի հերթական PR-ն է, որի նպատակը տեղեկատվական հաղթանակի հասնելն է։ Վրացական կողմի համար գլխավորը հակառակորդին ամեն ինչում մեղադրելն է, քանի որ մշտապես արդարանալն սակավ շահավետ է»։
