Մեկնաբանելով երեկ լրատվամիջոցներում հրապարակված միջազգային Freedom House իրավապաշտպան կազմակերպության զեկույցը` իրավապաշտպան Արտակ Զեյնալյանն ասաց, որ համակարծիք է զեկույցին:
«Freedom House-ն այնքան հեղինակավոր կազմակերպություն է, որ ես, ծանոթ չլինելով զեկույցին, կհամաձայնեմ, քանի որ կազմակերպությունը զեկույց է հրապարակում, եթե դրա հիմքերն ունի»,- մանրամասնեց Ա. Զեյնալյանը`հավելելով, որ ժողովրդավարության ոլորտում որևէ նշանակալի առաջընթաց չի արձանագրվել Հայաստանի Հանրապետությունում 2011թ:
Նրա համոզմամբ` եթե եղել են ինչ-որ փոփոխություններ, դրանք շատ էպիզոդիկ բնույթ են ունեցել, որն էական չի կարող համարվել:
Հիշեցնենք, որ երեկ միջազգային Freedom House իրավապաշտպան կազմակերպությունը հրապարակել է զեկույց, որտեղ ասվում է 2011 թ. Հայաստանը ժողովրդավարության և ազատության ոլորտում որևէ էական քայլ չի կատարել: