Bee Gees խմբի անդամներից Ռոբին Գիբբը ձայնագրել է իր առաջին դասական ալբոմը:
Ինչպես հայտնում է Reuters-ը, ալբոմը կոչվում է The Titanic Requiem: Այն նվիրված է Տիտանիկ նավի ուղևորների զոհերի հիշատակին:
Ալբոմը մարտի 19-ին կթողարկի Warner Music Group-ին պատկանող Rhino Entertainment-ը: Ալբոմի վրա աշխատանքները տարվել են 2011 թվականի ընթացքում՝ Լոնդոնի Air Studios-ում: 62-ամյա երգչին օգնել է ձայնագրվել նրա որդին՝ Ռոբին-Ջոնը:
The Titanic Requiem ծրագրի համերգային պրեմիերան տեղի կունենա 2012 թվականի ապրիլի 10-ին:
Ռոբին Գիբբը նշել է, որ The Titanic Requiem ալբոմի ձայնագրություններն իրեն շատ են օգնել՝ պայքարելու իր հիվանդության դեմ:
