Ամերիկյան «Աբրահամ Լինկոլն» ավիակիրը հունվարի 19-ին մտել է Արաբական ծով: Այս մասին հայտնում է CNN-ը: Արաբական ծովում «Աբրահամ Լինկոլն»-ը «Կառլ Վինսոն» ավիակիրի հետ իրականացնելու է ռազմական հերթապահություն: Չի բացառվում, որ «Աբրահամ Լինկոլնը» հետագայում Հորմուզի նեղուցով ուղևորվի Պարսոց ծոց:
Երբ մի քանի շաբաթ առաջ միջուկային «Ջոն Սթեննիս» ավիակիրը լքել էր Արաբական ծովի ջրերը, Իրանի իշխանությունները ԱՄՆ-ից պահանջել էին այլ ավիակիր չուղարկել Պարսից ծոց: Սակայն Պենտագոնի ղեկավար Լեոն Պանետան հայտարարել էր, որ ԱՄՆ երկար ժամանակ Պարսից ծոցում ուներ մեկ ավիակիր, ևս մեկը՝ Արաբական ծովի հյուսիսում, և շարունակելու է այդ քաղաքականությունը: Պանետայի խոսքերով՝ ռազմական այս ներկայությունը ԱՄՆ-ին թույլ է տալու արդյունավետ լուծել տարածաշրջանի բոլոր խնդիրները։
Հորմուզի նեղուցի շուրջ իրավիճակը սրվել է՝ կապված Իրանի ռազմածովային ուժերի զորավարժությունների հետ, որի ընթացքում փորձարկվել են հեռահար հրթիռներ: