Գիտնականները հաստատում են, որ անցած տարի Մարսի երկնաքարերի կտորներ են ընկել Մարոկկոյի վրա:
Ինչպես հաղորդում է Associated press-ը, սա հինգերորդ անգամն է, որ փորձագետները հաստատում են, որ Մարսի երկնաքարեր են ընկել Երկիր մոլորակի վրա: Վերջին անգամ դա տեղի է ունեցել 1962 թվականին:
Երկնաքարերի փորձագետների հատուկ հանձնաժողովը, որում կան նաև NASA-ի գիտնականներ, այսօր հաստատել է ստուգման արդյունքները: Նրանք հայտնել են, որ երկնաքարի 15 ֆունտ ընդհանուր քաշով կտորներ են ընկել Երկրի վրա: Ամենամեծ կտորը երկու ֆունտ է եղել:
Աստղագետները կարծում են, որ միլիոնավոր տարիներ առաջ ինչ-որ մեծ բան հարվածել է Կարմիր մոլորակին, որի պատճառով էլ երկնաքարերը թափառում են արեգակնային համակարգով և պատահաբար դրանցից մի քանիսն ընկնում են Երկիր մոլորակի վրա:
