Թուրքիայի մամուլը բարյացակամորեն չի արձագանքել Տեխասի նահանգապետ և ԱՄՆ-ի առաջիկա նախագահական ընտրություններում Հանրապետական թեկնածու Ռիկ Փերիի մեկնաբանություններին, ով երկուշաբթի օրը Հարավային Կարոլինայում կայացած բանավեճում Թուրքիայի իսլամիստ առաջնորդներին ներկայացրել էր որպես «իսլամիստ ահաբեկիչներ»:
The Envoy-ը գրում է, որ Փերին ասել է, թե Թուրքիան մի երկիր է, որը կառավարվում է մարդկանց կողմից, ում շատերը կհամարեին իսլամական ահաբեկիչներ: Փերին նման հայտարարություն է արել, երբ նրան հարցրել են, թե արդյո՞ք Թուրքիան պետք է լինի ՆԱՏՕ-ի կազմում:
Թուրքիայի Hurriyet Daily News-ի լրագրող Մուսթաֆա Աքյոլը Twitter-ի իր էջում գրել է. «Ռիկ Փերին հիմարի մեկն է»:
Թուրքիայի պետական TRT հեռուստաընկերությունն ավելացրել է, որ Fox TV-ի բանավեճը, որին մասնակցել է հանրապետական թեկնածու Ռիկ Փերին, վերածվել է սկանդալի, որի ժամանակ Թուրքիայի մասին շատ վատ հայտարարություններ են արվել:
