Մեծ Բրիտանիայի կրթության նախարար Մայքլ Գոուվն առաջարկել է թագուհի Ելիզավետա II-ի թագավորելու 60-ամյակին նրան զբոսանավ նվիրելու համար տրամադրել 90 միլիոն դոլար: Այս մասին գրում է ИТАР-ТАСС-ը:
Պաշտոնյան այս մասին նամակ է ուղարկել վարչապետ Նիկ Կլեգգին ու կառավարության այլ ներկայացուցիչների: Նա նշել է, որ 2012 թվականին օլիմպիական խաղերի անցկացումը չպետք է խանգարի ու ստիպի մոռանալ թագուհու «ադամանդե հոբելյանը»:
Մի կողմ թողնելով տնտեսական ճգնաժամը՝ Գոուվն առաջարկել է ստեղծել հատուկ հասարակական հիմնադրամ, որում կկարողանան գումար ներդնել հարուստ գործարարները:
Հիշեցնենք, որ նախկին թագավորական հայտնի զբոսանավը կառուցվել է 1953 թվականին: Այն 1997 թվականին դարձել է ազգային թանգարանի բաղկացուցիչ մասը:
