2011 թ. ընթացքում համաշխարհային զբոսաշրջային հոսքն աճել է 4.4%-ով՝ հասնելով մինչև 980 մլն մարդու: Այս մասին ասվում է ՄԱԿ-ի Զբոսաշրջության Համաշխարհային կազմակերպության (ԶՀԿ) զեկույցում (UN World Tourism Organisation): ԶՀԿ փորձագետների տվյալներով, 2012 թ. զբոսաշրջիկների հոսքը կդանդաղի՝ հասնելով 3-4%-ի, իսկ 2030 թ. տարեկան կհաշվվի 1.8 մլրդ զբոսաշրջիկ:
Կազմակերպության կայքում տեղադրված գծապատկերներից ակնհայտ է, որ զբոսաշրջիկների ավելի քան 50%-ը (503 մլն մարդ) բաժին է ընկնում Եվրոպային: Երկրորդ տեղում Ասիա-խաղաղօվկիանոսյան երկրներն են (216 մլն), երրորդ տեղում՝ Հարավային և Հյուսիսային Ամերիկայի երկրները (156 մլն):
2011 թ. զբոսաշրջության հոսքն ավելացել է աշխարհի բոլոր տարածաշրջաններում, բացի Մերձավոր Արևելքից (-8%) և Աֆրիկայից (0%): Դա պայմանավորված է Մերձավոր Արևելքի և Հյուսիսային Աֆրիկայի երկրներում տեղի ունեցած հուզումներով, որոնց պատճառով Թունիսի, Եգիպտոսի և այդ տարածաշրջանի մյուս երկրների զբոսաշրջիկների թիվը զգալի նվազել է:
Ենթադրվում է, որ 2012 թ. դեպի Մերձավոր Արևելք զբոսաշրջիկների հոսքը կավելանա 0-5%-ով, Աֆրիկա՝ 4-6%-ով, իսկ Եվրոպան 2012 թ. կընդունի 2-4%-ով ավելի շատ զբոսաշրջիկ, քան նախորդ տարի:
2000 թ. սկսած նկատվել է միայն 3 դեպք, երբ զբոսաշրջության համաշխարհային տեմպերը նվազել են՝ 2001 թ., 2003 թ. և 2009 թ.: Վերջին ճգնաժամի ժամանակ զբոսաշրջիկների թիվը կրճատվեց միանգամից 3.9%-ով: