ԱՄՆ առաջին տիկին Միշել Օբաման այսուհետ Twitter սոցիալական կայքում կունենա իր էջը: «Առաջին տիկնոջ էջը համացանցում հայտնվել է այսօր»,– տեղեկացնում է Associated Press-ը: Այն ղեկավարվում է նախագահի ընտրական շտաբի կողմից, իսկ հենց առաջին տիկնոջ հաղորդագրությունները կստորագրվեն որպես «MO»:
Առաջին երկու հաղորդագրությունները նախընտրական շտաբի անձնակազմի կողմից են եղել, ովքեր հայտնել են, որ սա մի նոր ձև է առաջին տիկնոջ հետ հաղորդակցվելու համար:
Նախագահ Բարաք Օբաման Twitter-ի իր էջում «Բարի գալուստ, Twitter» է մաղթել Միշել Օբամային:
Մեկ ժամվա ընթացքում առաջին տիկնոջ էջին հետևողների թիվը հասել է 20000-ի:
