Ազատ, արդար և թափանցիկ ընտրություններ անցկացնելու նպատակով տարվող համատեղ աշխատանքն ու վերահսկողությունը կարող են լինել այն առանցքները, որոնց շուրջ ընդունակ են համախմբվել ընդդիմադիր բոլոր ուժերը: «Առաջին լրատվական»-ի հետ զրույցում այս մասին հայտարարեց «Ժառանգություն» կուսակցության ԱԺ պատգամավոր Արմեն Մարտիրոսյանը:
«Այս կետը կարող է համախմբող ազդեցություն ունենալ: Ըստ էության, 100 տոկոսանոց համամասնական ընտրակարգի մասին առաջարկը կարծես ամբողջ ընդդիմության կողմից է արված»,- նկատեց պատգամավորը:
Հարցին՝ ո՞րը կարող է լինել համախմբող առանցքն ԱԺ ընտրություններից հետո, «Ժառանգության» պատգամավորը նշեց. «Չեմ կարող ասել՝ ինչը կարող է այնուհետ համախմբողի դեր կատարել: Այս պահին չեմ փորձի նման խիզախություն ցուցաբերել և հայտարարություններ անել»:
