1867 թ. այս օրը ծնվել է հայ ազգային-ազատագրական շարժման գործիչ Նիկոլ Դումանը (Նիկողայոս Տեր-Հովհաննիսյան): Նա ծնվել է 1867 թվականին Լեռնային Ղարաբաղի Ասկերան շրջանի Ղշլաղ գյուղում: Նա ավարտել է Շուշիի թեմական դպրոցը (1887): Եղել է ուսուցիչ Հյուսիսային Կովկասի հայկական դպրոցներում, 1894-1896-ին` Թավրիզի եւ Սալմաստի վարժարաններում: Մասնակցել է 1894-1896-ի Դերիկի կռիվներին: Բողասքյասանի մարտում վաստակել է ԴՈՒՄԱՆ անունը:
1905-ի հայ-թաթարական ընդհարումների ժամանակ ղեկավարել է Երևանի նահանգում և Արարատյան դաշտում գործող ուժերը, կարողացել հմտորեն կազմակերպել հայերի ինքնապաշտպանությունը: Արեւմտյան Հայաստանի ազատագրության հարցում կողմ էր կազմակերպված ապստամբության:
Թոքախտով հիվանդ Նիկոլ Դումանը զգալով, որ չի կարող մասնակցել 1914-ին սկսված պատերազմում հայկական կամավորական շարժմանը, 1914թ. սեպտեմբերի 27-ին ինքնասպան է եղել:
