«Հայտնաբերվել է The Doors խմբի She Smells So Nice երգը: Այս երգն ավելի քան 40 տարեկան է, սակայն հայտնի է դարձել միայն հիմա»,– գրում է mignews.com-ը:
Ջիմ Մորիսոնի այս երգը գտել է պրոդյուսեր Բրյուս Բոտնիկը: Երգը ներառված է եղել L.A. Woman ալբոմի մեջ, սակայն այն անտեսվել է ու նոր ձայնագրությունների մեջ չի ներառվել, քանի որ երգչի ձայնը շատ ցածր է հնչում:
Երգը հայտնվել է Facebook–ում և դարձել իսկական նվեր խմբի սիրահարների համար: Նշենք, որ այս ալբոմում ձայնագրված են այնպիսի երգեր, ինչպիսիք են Changeling, Love Her Madly, և, իհարկե, նոր հայտնություն She Smells So Nice-ը:
ԱՄՆ-ում և 100 այլ երկրներում խումբն իր ստեղծագործական կյանքի ընթացքում վաճառել է 35 մլն ալբոմ:
