Արդյունաբերության վերլուծաբանները հայտնում են, որ սմարթֆոններն ու պլանշետային համակարգիչները կօգնեն համաշխարհային էլեկտրոնիկայի ծախսը հասցնել 1 տրիլիոն դոլարի, բայց, ինչպես հաղորդում է Daily News-ը, սա չափազանց դանդաղ աճ է` համեմատած անցած տարվա հետ:
Consumer Electronics Association-ը (CEA) կանխատեսում է, որ տեխնոլոգիաների համաշխարհային ծախսը 2012 թվականին կմեծանա 5 տոկոսով` հասնելով 1.04 տրիլիոն դոլարի: Նշենք, որ անցած տարի սահմանվել էր 8 տոկոս աճ:
CEA-ն նաև հայտնել է, որ իրենք ակնկալում են, որ սմարթֆոնների վաճառքն այս տարի կավելանա 22 տոկոսով` համեմատած անցած տարվա 59 տոկոսի հետ: Մինչդեռ ընդհանուր պլանշետների վաճառքն ակնկալվում է, որ այս տարի կկրկնապատկվի` հասնելով ավելի քան 100 միլիոնի: