Ներքին գործերի նախարարությունը հայտնել է, որ թալիբ ապստամբներն այսօր հարձակվել են արևելյան Աֆղանստանի կառավարական շենքերից մեկի վրա և կրակ բացել: Հարձակման հետևանքով տասը մարդ է մահացել: Associated press-ը հաղորդում է, որ տասնամյա պատերազմից հետո սա մի նոր նշան է, որը վկայում է ապստամբների հզորության մասին:
Հայտարարության մեջ ասվել է, որ երեք հարձակվողներ մտել են Շարանում գտնվող հաղորդակցման շենքը: Նշենք, որ Շարանը շրջանային մայրաքաղաքն է, որը գտնվում է Քաբուլից 160 կիլոմետր հեռավորության վրա:
Ըստ ներքին գործերի նախարարության հայտարարության՝ հարձակվողներից երկուսը պայթեցրել են իրենց մահապարտի բաճկոնները: Երեք հարձակվողի հետ մահացել են նաև ոստիկանության երեք և հեռահաղորդակցության նախարարության չորս աշխատակիցներ: Ոստիկանության երկու այլ աշխատակիցներ և մեկ քաղաքացի հարձակման ընթացում վիրավորվել են: