Երեկ «Առաջին լրատվական»-ը հաղորդել էր, որ Մոսկվայի հարավ-արևմուտքում գտնվող իտալական ռեստորանում տեղի ունեցած պայթյունի հետևանքով, վերջին տեղեկություններով, վիրավորվել է 32 մարդ, 6-ի վիճակը գնահատվում է ծայրահեղ ծանր:
Տուժածների մեջ են նաև ազգությամբ հայեր: Նախնական տվյալներով նրանք են՝ Աղաջանովա Նիկա 3 տարեկան, Աղաջանովա Վիկտորյա 39 տարեկան, Աղաջանովա Սվետլանա 52 տարեկան, Եղոյան Սիրանույշ 36 տարեկան, Մկրտչյան Ֆելիքս 14 տարեկան:
Հիշեցնենք, որ պայթյունը տեղի է ունեցել հունվարի 9-ի կեսօրին: Նախնական տվյալներով, ռեստորանում գազի բալոններ են պայթել: Ռուսաստանի Արտակարգ իրավիճակների նախարարության տվյալներով, պայթյունի պահին շենքում եղել է 50 մարդ:
Երկհարկանի ռեստորանի տանիքը մասնակի փլվել է, առաջին հարկում կոտրվել են պատուհանները:
Դեպքի առիթով հարուցվել է քրեական գործ, կատարվում է հետաքննություն: