ԱՄՆ-ի Փենսիլվանիա նահանգում ապրող 67-ամյա Ալբերտա Քելլին մեղադրվում էր թմրադեղեր օգտագործելու մեջ. ոստիկանությունը նրա այգում մարիխուանայի թփեր էր հայտնաբերել:
Քելլին դատարանում չի ընդունել իր մեղքը: Ինչպես հաղորդում է Daily Mail-ը, 67-ամյա տատիկի ասելով՝ ինքը չի իմացել, թե դրանք ինչ թփեր են. մի օր իրեն է մոտեցել մի օտարական և տվել սերմերը` ասելով. եթե դրանք աճեցնի իր այգում, ապա ամենագեղեցիկ ծաղիկները կաճեն, որոնք ինքը երբևէ տեսել է: Կինը վերցրել է սերմերը և սկսել աճեցնել:
Ոստիկանությունը պատահաբար նկատել է նրա այգում աճող 4 ոտնաչափ բարձրության թփերը, երբ եկել էին նրա թոռանը ձերբակալելու:
Դատավորը հավատացել է տատիկի պատմածին, և նա ազատ է արձակվել:
