Գիտնականների նոր հետազոտության արդյունքում պարզվել է, որ ծնողները երեխաների հետ վիճաբանությունը չպետք է անհեթեթություն համարեն, այլ պետք է դա դիտեն որպես դասընթացի մի ձև, որի շնորհիվ իրենց երեխաներին կարող են սովորեցնել, թե ինչպես է պետք չհամաձայնել կամ հրաժարվել որևէ բանից:
Գիտնականները գտնում են, որ ծնողները պետք է պարզապես իմանան, թե ինչպես է հարկավոր վիճել, որպեսզի դա օգուտ բերի իրենց երեխաներին և կյանքի դասեր տա:
Daily Mail-ը գրում է, որ հետազոտությունն անցկացվել է ԱՄՆ-ի Վիրջինիայի համալսարանի գիտնականների կողմից, ովքեր ապացուցել են, որ այն երեխաները, ում ծնողների կողմից թույլատրվել է իրենց կարծիքը և գաղափարները հանգիստ և վստահ արտահայտել, նույնը կարողացել են անել նաև իրենց ընկերների հետ:
Այսպիսով՝ այն երեխաները, ում ծնողները ճիշտ վիճաբանության միջոցով սովորեցրել են ինչպես չհամաձայնել 40 տոկոս ավել հավանականություն են ունեցել ընկերների առաջարկած թմրադեղերը չընդունելու:
Իսկ այն երեխաները, ովքեր ծնողների հետ չեն վիճում, քանի որ կարծում են, որ միևնույն է՝ իրենց կարծիքը հաշվի չի առնվելու, առավել հավանական է, որ կընդունեն իրենց ընկերների առաջարկած թմրադեղերը:
Ուսումնասիրությունը հրապարակվել է Child Development ամսագրում:
