Ղազախստանի նախագահ Նուրսուլթան Նազարբաևը այսօր օրենք է ստորագրել «Ղազախստանի ազգային անվտանգության մասին», որն ուղղված է համակարգի կատարելագործմանը,- նշվում է պաշտոնական հաղորդագրության մեջ:
Օրենքը մշակվել էր երկրի նախագահի հանձնարարականով, որն արվել էր Անվտանգության խորհրդի նիստում:
Օրենքում նորարարություններից մեկը այն է, որ առաջին անգամ ամրագրված են տեղեկատվական անվտանգության սպառնալիքները: Օրենքի 6 հոդվածը սահմանում է ազգային անվտանգության սպառնալիքները` «հասարակական և անհատական գիտակցության վրա ինֆորմացիոն ազդեցությունը՝ կանխամտածված աղավաղմամբ և ոչ հավաստի տեղեկատվության տարածումը՝ ուղղված ընդդեմ ազգային անվտանգության»:
Օրենքում ներառված են նաև տնտեսական անվտանգության հարցեր, ինչպես նաև ազգային անվտանգության տեսակները, և մասնավորապես նշվում է քաղաքական անվտանգությունը, որը սահմանում է սահմանադրական կարգի պաշտապնությունը, պետական մարմիների համակարգը և պետական կառավարման կարգը:
