Երկու անգամ «Օսկարի» արժանացած աշխարհահռչակ դերասանուհի Մերիլ Սթրիփը հայտնել է, որ Մարգարետ Թետչերին մարմնավորելը մարտահրավերի նման էր, չնայած որ իր սեփական փորձն օգնել է իրեն հասկանալ, թե ինչպես է պայքարել Մեծ Բրիտանիայի առաջին կին վարչապետը:
Սթրիփը The Iron Lady ֆիլմում կերպարանափոխվել է՝ դառնալով խիստ քաղաքական գործիչ, ով վերաձևավորել է Բրիտանիան: Ֆիլմն առաջին անգամ ցուցադրվել է չորեքշաբթի օրը՝ Լոնդոնում:
The Washington Post-ը հաղորդում է, որ 62-ամյա Սթրիփի թեկնածությունն առաջադրվել է Golden Globe մրցանակաբաշխության համար։ Շատ հնարավոր է, որ նա հերթական «Օսկարը» կստանա՝ 1979-1990 թվականներին Բրիտանիան ղեկավարած Թետչերին ճշգրիտ կերպով մարմնավորելու համար:
