«Մերկոզի» դուետը, որը Եվրոպայում կապվում է Գերմանիայի կանցլեր Անգելա Մերկելի և Ֆրանսիայի նախագահ Նիկոլա Սարկոզիի անունների հետ, դարձել է YouTube վիդեոծառայության նոր հիթը և հերթական առիթը՝ եվրոպացիներին ուրախացնելու: Այս մասին հայտնում է Вести.Ru-ն:
Կատակերգական սքետչ-շոուի «մեղավորը» Գերմանիայում հանրահայտ տեսաերիզն է, որը նկարահանվել էր 1963 թվականին և ամեն տարի Ամանորին ցուցադրվում է գերմանական հեռուստատեսությամբ:
Այս նոր տեսաերիզը օրիգինալն է` փոփոխված ձայնով և Սարկոզիի ու Մերկելի դեմքերով:
Սարկոզին «կատարում է» պալատականի դերը և ժամանակ առ ժամանակ վերածվում Մեծ Բրիտանիայի վարչապետ Դևիդ Քեմերոնի, Հունաստանի նախկին վարչապետ Գեորգիոս Պապանդրեուի և Իսպանիայի նախկին վարչապետ Խոսե Լուիս Ռոդրիգես Սապատերոյի, որոնք փորձում են սիրաշահելՄերկելին:
Չորս օրվա ընթացքում տեսաերիզը YouTube-ում դիտել են 380 հազար անգամ: