Սիրիայի բանակի դասալիքները երեքշաբթի օրը երկրի հարավում գտնվող Դերաա քաղաքի մոտակայքում տեղի ունեցած բախումների ժամանակ սպանել են անվտանգության ուժերի 18 աշխատակիցների: Այս մասին հաղորդում է France-Press գործակալությունը:
Սիրիայի մշտական բանակի և ոստիկանության դեմ պայքարում է «Սիրիական ազատ բանակը», որի անդամները տեղի ռազմական ուժերի դասալիքներն են:
Սիրիայում 2011 թ. մարտի կեսերից մինչև հիմա շարունակվում են հակակառավարական ելույթները, որոնց մասնակիցները պահանջում են նախագահ Բաշար Ասադի հրաժարականը: ՄԱԿ-ի տվյալների համաձայն՝ սպանվել է 5000-ից ավել մարդ:
