Ֆրանսիական Le Journal du Dimanche թերթը հրապարակել է Շվեյցարիայում ՀՀ արտակարգ և լիազոր դեսպան Շառլ Ազնավուրի, կինոռեժիսոր Ռոբեր Կետիկյանի, իրավաբան Սերժ Կլարսֆելդի, փիլիսոփաներ Բեռնար-Անրի Լևինի և Միշել Օնֆրենի, և թուրք գրող Էրոլ Օզկորայը համատեղ կոչը, որի նպատակն է համոզել քաղաքական գործիչներին վավերացնել Հայոց Ցեղասպանության ժխտումը քրեականացնող օրենքը երկրի Սենատում: Կոչում մասնավորապես ասված է.
«Ինչպես գրել է Էլի Վիզելը, այժմ ժխտումը նշանակում է սպանել զոհերին երկրորդ անգամ: Այդ պատճառով արժե ողջունել 2011-ի դեկտեմբերի 22-ին Ազգային ժողովում անցկացված քվեարկությունը, որը որոշում կայացրեց Եվրոպայի` ռասիզմի, խտրականության և ժխտման վերաբերյալ ընդունված Շրջանակային որոշման օգտին: Չնայած տարածված քննարկումներին` դա հուշակոթողային օրենք չէ. պատմությունը արդեն գրվել է պատմաբանների կողմից: Այդ փաստաթուղթը իրավունքի մի մաս է: Ընթացք տալով եվրոպական այդ դիրեկտիվին` պատգամավորներին երաշխիքներ են ներկայացրել օրենքով ճանաչված բոլոր ցեղասպանությունների (Հոլոքոստ, Հայոց Ցեղասպանություն) զոհերին` տալով իրավական հիմք` ցեղասպանության` «ծայրահեղությունների հասնող» ժխտման ձևերից խուսափելու համար:
Մասնավորապես, թիրախը պետական ժխտումն է, որը թուրքական իշխանությունները հասցնում են մինչև Ֆրանսիայի հանրապետության տարածք: Իսկ պատգամավորները մնացել են իրենց գործառույթների շրջանակներում, որպեսզի պահպանեն մարդկային արժանապատվությունը, որը մտնում է Մարդու իրավունքների համընդհանուր հռչակագրի նախաբանի առաջին մասի մեջ, ինչպես նաև նրանք կարող են ընդունել օրենքներ` հասարակական կարգի խախտման ցանկացած վտանգից խուսափելու համար: Որպեսզի տեքստը ստանա օրենքի ուժ, մենք կոչ ենք հանրապետության նախագահին, կառավարությանը և հիմնական կուսակցություններին, հաստատել իրենց ժեստը, թույլ տալ Սենատի կողմից օրենքի վավերացումը»: