Անկարան այսօր հայտարարել է, որ Թուրքիան ընդունում է Իրաքի հյուսիսային սահմանի մոտ 35 քաղաքացիների սպանությունը, որոնց շփոթել էին քուրդ զինվորների հետ: Անկարան նաև խոստացելէ, որ միջադեպի հետ կապված՝ ոչ մի տեղեկություն չի քողարկվի: Այս միջադեպը, սակայն, սպառնում է վատացնել Թուրքիայի հարաբերությունները քուրդ փոքրամասնությունների հետ:
Reuters-ը գրում է, որ Թուրքիայի քրդամետ կուսակցությունը հարձակումը համարել էր «հանցագործություն մարդկության դեմ»: Ինչպես արդեն հաղորդել ենք, հարձակումը ցույցի պատճառ էր դարձել, որտեղ թուրք ցուցարարների և ոստիկանների միջև բախում էր տեղի ունեցել:
Հարձակումը սպառնում է խափանել թուրք-քրդական միասնական նոր սահմանադրություն ստեղծելու ջանքերը, որով ակնկալվում էր, որ մասնակիորեն կլուծվեն քրդական փոքրամասնության իրավունքների խնդիրները:
