Samsung Galaxy S սմարթֆոնների հաջորդ մոդելը կարող է ներկայացվել հաջորդ տարվա փետրվարին Mobile World Congress-ի ցուցադրության ժամանակ, որը տեղի է ունենալու փետրվարի 27-ից մարտի 1-ը ընկած ժամանակահատվածում Բարսելոնայում: Այս մասին հայտնում է iXBT.com-ը՝ հղում անելով Electronic Times-ին:
Նախնական տվյալների համաձայն՝ Galaxy S III-ն ունենալու է չորս միջուկային պրոցեսոր (ամենայան հավանակաությամբ՝ Samsung Exynos 4412) և 4,6 դյույմ անկյունագծով սենսորային դիսփլեյ:
Սարքավորման կոնֆիգուրացիայի մեջ մտնելու են LTE անլար կապի ադապտեր, 12 մեգապիքսել տեսախցիկ, որն ի վիճակի է տեսագրել Full HD վիդեո: Նախապես տեղադրվել է նաև Google Android 4.0 Ice Cream Sandwich օպերացիոն համակարգը:
Galaxy S II-ի հաջորդը հավանաբար վաճառքի կհանվի 2012 թվականի երրորդ եռամսյակում:
Ենթադրվում է, որ MWC Samsung-ը ցուցադրելու է այլ սարքավորումներ ևս, որոնք կարողանալու են 3D ֆորմատով լուսանկարներ անել և տեսանյութեր ձայնագրել: Այս «ստերեոսկոպիկ սմարթֆոնի» մասին դեռ տեղեկություններ չկան, սակայն վերլուծաբանները կարծում են, որ հարավկորեական հսկան դժվար 3D տեխնոլոգիան ներառի Galaxy S III սմարթֆոններում, այդ պատճառով տրամաբանական կլինի նոր սարքավորումն անվանել, օրինակ, Galaxy S 3D: