Նավթի գներն այսօր նվազել են այն բանից հետո, երբ Սաուդյան Արաբիան հայտնել է, որ պատրաստ է ավելի շատ նավթ տրամադրել, եթե Իրանը փակի Հոմուզի նեղուցը:
Associated Press-ը հայտնում է, որ Նյու Յորքում նավթի մեկ բարելի գինը նվազել է 1.15 դոլարով, իսկ Լոնդոնում` 90 ցենտով:
Հիշեցնենք, որ երեքշաբթի օրն Իրանը հայտարարել էր, որ կարգելափակի նավթի լցանավերի անցումը Հոմուզի նեղուցով, եթե Արևմուտքը շարունակի պատժամիջոցներ կիրառել Թեհրանի դեմ` Իրանի միջուկային ծրագրի պատճառով:
Սաուդյան Արաբիայի նավթարդունաբերության նախարարության պաշտոնյաներից մեկը հայտնել է, որ իրենք պատրաստ են ավելի շատ նավթ տրամադրել, եթե Իրանը փակի նեղուցը: Պաշտոնյան խնդրել է չհրապարակել իր անունը, քանի որ ինքն իրավունք չունի տեղեկություններ տալ այս խնդրի մասին: Նա չի հստակեցրել, թե ինչ ուղիներ կօգտագործվեն նավթի տեղափոխման համար, բայց ավելի շատ ժամանակ և գումար կպահանջվի նավթը տարածաշրջանի սպառողներին հասցնելու համար:
