Վենեսուելան 10 տարի հետո աշխարհում առաջին տեղը կզբաղեցնի նավթի արտահանման ծավալներով: Ինչպես հաղորդում է ИТАР-ТАСС-ը, երկրի նախագահ Ուգո Չավեսը նշել է, որ անցյալ դարի 20-ականներից մինչև 70-ականների սկիզբը երկիրն առաջատար դիրքեր է զբաղեցրել նավթի արտահանման շուկայում:
Նրա կարծիքով, հաջորդ տասնամյակում Վենեսուելան կկարողանա օրական արտահանել 10 մլն բարել նավթ:
Բացի այդ, Չավեսը համոզված է, որ երկիրն առաջին տեղում կլինի, քանի որ ունի նավթի ամենամեծ պաշարները՝ շուրջ 300 մլրդ բարել:
Նշենք, որ այս պահին Վենեսուելան նավթի արտահանման ծավալներով աշխարհում հինգերորդն է: