Грузия Online-ի փոխանցմամբ, Վրաստանի Ազգային անվտանգության խորհրդի քարտուղար Գեորգի Բոկերիան հայտարարել է, որ այսօր Վրաստանը քաղաքական առումով ավելի պաշտպանված է.
«Բնականաբար, Ռուսաստանն այնպիսի երկիր է, որին չպետք է աչքաթող անել։ Չպետք է անտեսել նրանից բխող սպառնալիքը։ Մենք ցանկանում ենք բարիդրացիական հարաբերություններ ունենալ Ռուսաստանի հետ, քանի որ աշխարհագրությունը չես փոխի։
Սակայն բոլորը քաջ գիտակցում են, որ դա չի կարող տեղի ունենալ միայն Վրաստանի ջանքերի շնորհիվ։ Փոփոխություններ պետք է տեղի ունենան Մոսկվայում. Ռուսաստանի ղեկավարությունը պետք է ընդունի այն փաստը, որ հետխորհրդային երկրներն այսօր հանդիսանում են անկախ երկրներ։ Մենք հուսով ենք, որ Ռուսաստանը կդառնա ժողովրդավարական ազատ երկիր, որը կհարգի հարևանների ընտրությունը»։
