ՀԱՄԱՍ-ի առաջնորդն անհապաղ կոչ է արել միջազգային արաբական և մուսուլմանական համայնքներին կանգնեցնել այն, ինչ ինքն անվանել է «Երուսաղեմի հուդայականացում», այն է՝ մուսուլմանական փոքրամասնությունների վրա սիոնիստական պետության հարձակումները: Այս մասին հաղորդում է MIGnews.com կայքը:
Կահիրեում լրագրողների առջև ելույթ ունենալու ժամանակ Խանիյան քննադատել է Իսրայելին՝ տները քանդելու և Երուսաղեմը էթնիկ փոքրամասնություններից դատարկելու մեջ:
Նա կոչ է արել արաբական երկրներին ակտիվացնել ուժերը, որպեսզի կանգնեցվի «Երուսաղեմի հուդայականացումը», որը շատ արաբներ համարում են ապագա Պաղեստինի մայրաքաղաքը: Նա կոչ է արել արաբներին գործի դնել տնտեսական և ֆինանսական միջոցներ:
Հիշեցնենք, որ Խանիյան շրջագայություն է կատարում մերձավորարևելյան տարածաշրջանում` այցելելով Եգիպտոս, Սուդան, Թուրքիա, Բահրեյն, Քաթար և Սաուդյան Արաբիա:
