Տաշքենդի Սերգելիյան շրջանում տեղի իշխանությունների որոշմամբ դադարեցվել է կանացի ներքնազգեստի վաճառքը: Այս մասին հայտնում է Central Asian News-ը, հղում կատարելով «Օզոդլիկ ռադիոյին» («Ազատություն» ռադիոկայանի տեղական ծառայությունը):
Ռադիոկայանի տվյալների համաձայն՝ այս միջոցները ձեռնարկվել են շրջանային իշխանության նոր ղեկավարի որոշմամբ: Նոր պաշտոնում հաստատվելուց հետո նա ստուգումներ է անցկացրել առևտրային կետերում և դժգոհ է մնացել, որ որոշ խանութներում տեսել է կանացի ներքնազգեստ: Դրա հետ կապված հրաման է արձակել «սահմանափակել կիսավարտիքների և կրծկալների վաճառքը»:
Նոր ղեկավարի հրամանով Տաշքենդում փակվել են կանացի ներքնազգեստի խանութները և հանրախանութների համապատասխան բաժինները:
