Ծննդյան տոների նախօրեին Արևմտյան Եվրոպայի բնակիչները երեկոյան երկնքում նկատել են հազվադեպ երևույթ: Վեներայից ոչ հեռու՝ աստղերի կողքով դանդաղ սահել է վառ օբյեկտ՝ արտաքինից շատ նման երկնաքարի: Բելգիայի, Ֆրանսիայի, Նիդերլանդների և Գերմանիայի բնակիչները բուռն քննարկում են սկսել համացանցում՝ գուցե դա Սանտա Կլաո՞ւսն է թռչում երկնքում: Ինչպես հաղորդում է astronomie.info կայքը, օբյեկտը նկատվել է դեկտեմբերի 24-ին՝ տեղի ժամանակով 17:27-ին:
Որքան էլ տարօրինակ է, համացանցի օգտատերերի միայն փոքր մասն է տարօրինակ օբյեկտը համարել ՉԹՕ: Մեծ մասը հակված են եղել այն տեսակետին, որ դա հենց Սանտան է: Ենթադրություն է եղել, որ գերմանական հողում շողացել է Բեթղեհեմյան աստղը: Գրանցվել են նաև ավելի հետաքրքիր մեկնաբանություններ. «3ուրի Գագարինը տուն է վերադառնում» կամ «Ջասթին Բիբերը Չակ Նորիսից այնպիսի հարված է ստացել հետույքին, որ պտույտ է գործել մոլորակի շուրջը»:
Առավել ռացիոնալ մտածող օգտատերերը իսկույն հասկացել են որ տա տիեզերական աղբ է: Որոշ ժամանակ անց պարզվել է, որ այդ գիշեր Եվրոպայի տարածքով թռել է դեկտեմբերի 21-ին և 23-ին Բայկոնուրից բաց թողնված Союз ТМА-03М հրթիռակրի երրորդ աստիճանը: Այս տեղեկությունը հաստատվել է Բելգիայի թագավորական աստղագիտական կայքում:
