Դեկտեմբերի 24-ին Տոկիոյում, 96 տարեկանում մահացել է Ճապոնիայի խոշորագույն դիզայներներից մեկը` Սորի Յանագին: Ինչպես հաղորդում է Associated Press գործակալությունը, Յանագին հիվանդ էր թոքաբորբով:
Սորի Յանագին ծվել էր 1915 թվականին, Տոկիոյում, 1940-1942 թվականներին աշխատել է դիզայներ Շարլոթ Փերիանի ընկերությունում: 1952 թվականին նա հիմնադրել է դիզայներ Յանագիի արդյունաբերական ինստիտուտը և զբաղվել կահույքի և ամանեղենի դիզայնով:
Դիզայների ամենահայտնի աշխատանքներից մեկը «Աթոռ-թիթեռնիկն» է`հարթ գծերով, որը ստեղծվել է 1957 թվականին և մրցանակի արժանացել Միլանի բրիենալեում: Դրանից հետո Յանագին միջազգային համբավ ձեռք բերեց, իսկ նրա աշխատանքը մշտական ցուցադրության դրվեց Նյու Յորքի ժամանակակից արվեստների թանգարանում: Յանագիի հայտնի աշխատանքներից է նաև «Փիղ-սեղանը», որը նա ստեղծել է 1954 թվականին պլաստմասսից: 1977 թվականին Յանագին ղեկավարել է Տոկիոյի ազգային արվեստի թանգարանը:
Յանագիի դիզայնում միախառնվում են արևմտյան տարրերը և ճապոնական ավանդույթները, ինչի շնորհիվ Յանագին զբաղեցնում է առանձնահատուկ տեղ արտադրական դիզայնի պատմության մեջ: Նրան անվանում են վերջին ժամանակների լավագույն դիզայներներից մեկը: Յանագին նաև մշակել է լամպերի, ապակեպատ իրերի, մետրոյի կայարանների, մանկական խաղալիքների և ավտոմեքենաների դիզայնը:
