Ռուսական Интерфакс լրատվական գործակալությանը տված հարցազրույցում Ռուսաստանի արտգործնախարար Սերգեյ Լավրովն ամփոփել է անցնող տարին և խոսել 2012 թվականին ռուսական դիվանագիտության առաջնահերթ խնդիրներից։ Լավրովն անդրադարձել է նաև Հյուսիսային Աֆրիկայում և Մերձավոր Արևելքում տեղի ունեցող միջազգային իրադարձություններին:
«Մենք քայլեր ենք կատարել բռնությունները դադարեցնելու և մարդու իրավունքների պաշտպանության ուղղությամբ, որպեսզի հակամարտության կողմերին օգնենք խնդիրները լուծել խաղաղ ճանապարհով, ինչպես նաև բոլոր քաղաքական, կոնֆեսիոնալ և էթնիկ խմբերի մասնակցությամբ համազգային երկխոսության միջոցով: Մենք պատրաստ ենք տարածաշրջանի երկրների հետ շարունակել զարգացնել համագործակցությունը, որոնք ունեն իրավահավասար և փոխադարձ շահեր, հարգանքով են վերաբերվում ավանդույթներին, պատմությանը և մշակույթին: Մենք դեմ ենք խաղաղ բնակիչներին պաշտպանելու կարգախոսներով քաղաքացիական պատերազմի ժամանակ կողմերից մեկին աջակցելուն»:
Այժմ մեծ անհանգստություն է ներկայացնում Սիրիան: Ողջունում ենք ԱԵԼ դիտորդների առաքելության արձանագրությունը ստորագրելու փաստը, որով նախատեսվում է մոնիտորինգ անցկացնել Սիրիայում տիրող իրավիճակը պարզելու համար»,- ասել է Լավրովը:
Նա նաև նշել է, որ այս տարվա ընթացքում չեն մոռացել տարածաշրջանում սառեցված հակամարտությունների մասին, առաջին հերթին պաղեստինյան խնդրի մասին, որի լուծումը կարող էր մեծ նշանակություն ունենալ տարածաշրջանում կայունություն հաստատելու համար: