Ադրբեջանական ANS PRESS-ի փոխանցմամբ՝ Ադրբեջանի նախագահ Իլհամ Ալիևը հերթական անգամ սպառնացել է Ղարաբաղյան բանակցային գործընթացի հաջողության չհասնելու դեպքում հարցը լուծել ռազմական ճանապարհով.
«Ադրբեջան պետության առջև դրված ամենամեծ առաջադրանքը Ղարաբաղյան հակամարտության կարգավորումն է։ Մենք դեռևս գտնվում ենք բանակցային գործընթացի մեջ, սակայն խնդրի կարգավորման հարցում ամեն ինչ չէ, որ կախված է մեզանից, քանի որ բանակցություններն ունեն երկու կողմ։ Մի կողմն Ադրբեջանն է, իսկ մյուս կողմը՝ Հայաստանը։
Բանակցությունների վարման համար գոյություն ունի միջազգային ձևաչափ՝ ԵԱՀԿ Մինսկի խումբ։ Վերջինս գործում է մոտ 20 տարի, սակայն որևէ արդյունք չկա։ Մենք ցանկանում ենք այս հարցը լուծել խաղաղ ճանապարհով։ Եթե դա անհնարին լինի, ապա ադրբեջանական բանակը «կասի» իր խոսքը»։