ԱՄՆ Կոնգրեսում վերջերս հայտնաբերվել է, որ «ՄԱՆԱՍ» ամերիկյան բազայի համար վառելիքի գնման ժամանակ լուրջ խախտումներ են կատարվել:
Հետաքննությունն սկսվել է այն պահին, երբ Ղրղզստանի նախկին նախագահ Կուրմանբեկ Բակիևի դեմ սկսվել են կոռուպցիոն սկանդալները:
Վառելիքի առաքիչները այն գնել են Ռուսաստանից արտոնյալ պայմաններով, քանի որ ներկայացվել է, թե այդ վառելիքը Ղրղզստանի ներքին օգտագործման համար է, սակայն հետագայում վաճառել են ամերիկյան ռազմաբազային:
Ընդ որում, այս գործարքում շահագրգռված է եղել Ղրղզստանի այդ ժամանակվա վարչապետ Իգոր Չուդինովը, որն անձամբ է նամակով դիմել «Գազպրոմի» ղեկավար Ալեքսեյ Միլլերին: Հետագայում պարզվել է , որ այդ ընկերութոյւնը, որը զբաղվել է «Մանասի» համար վառելիքի առաքմամբ, կապված է եղել նախկին նախագահ Ասկար Ակաևի, այլ ոչ թե Բակիևի ընտանիքի հետ:
Քննության ժամանակ ամերիկացի զինվորականներն այս քայլը բացատրել են նրանով, որ ռուսական կողմը օտարերկրյա բանակներին վառելիքի առաքման սահմանափակումներ ունի, այդ պատճառով էլ աշխատել է այս սխեման:
2009 թ. այս գործով քննություն են սկսել ռուսական հատուկ ծառայությունները, որի արդյունքում արդեն այս տարվա սկսզբին բոլոր պայմանագրերը խզվել են:
Այս մասին գրել է ռուսական Коммерсант թերթը: