Ինչպես այսօր փոխանցում է CNN հեռուստաընկերությունը, Արաբական թերակղզում «Ալ-Ղաիդայի» մասնաճյուղը ծրագրել էր Սաուդյան Արաբիայի ամերիկյան սրճարաններում և ռեստորաններում թունավորել հաճախորդներին:
Ահաբեկիչները ծրագրել էին դա անել ռիցին և ցիանիդ թույների միջոցով: Ըստ հեռուստաընկերության, իմանալով «Ալ-Ղաիդայի» այս ծրագրերի մասին, հատուկ ծառայությունների ներկայացուցիչները զրուցել են հյուրանոցների և սննդի այլ օբյեկտների ներկայացուցիչների հետ և համապատասխան միջոցառումներ ձեռք առել, որպեսզի խուսափեն հնարավոր թունավորումներից և այլ ահաբեկչական գործողություններից:
Ըստ ԱՄՆ ազգային անվտանգության նախարարության ներկայացուցչի` թունավորումը, հավաբար, ահաբեկչական գործողությունների ծրագրերից մեկն է եղել: Այս պահին կոնկրետ մշակված ծրագրերի մասին անվտանգության ներկայացուցիչներին հայտնի չէ:
Հիշենցենք, որ «Ալ-Ղաիդայի» այս մասնաճյուղն ամենաակտիվներից է աշխարհում և պարբերաբար հարձակումներ է կազմակերպում Արաբական թերակղզում տեղակայված ամերիկյան և բրիտանական զորամիավորումների, ինչպես նաև այս երկրներ այցելող զբոսաշրջիկներ վրա:
Հայտնի «քարթրիջային» ահաբեկչությունը, որի փորձն արվել էր այս տարվա հոկտեմբերին, նույնպես այս կազմակերպության «ձեռքի գործն է»:
