Իտալիայի սենատորներն այսօր տվել են իրենց հավանությունը՝ հարկերի մեծացման և կենսաթոշակային բարեփոխումների իրականացման համար` փորձելով խուսափել եվրոգոտու երրորդ, ամենամեծ տնտեսության սնանկացումից:
AFP-ն գրում է, որ Իտալիայի վարչապետ Մարիո Մոնտիի կառավարությունը կոչ է արել վստահության քվեով ընդունել օրինագծի փաթեթը Սենատում, որպեսզի բարեփոխումներն իրականացվեն մինչև Սուրբ Ծնունդը` Իտալիայի ֆինանսական շուկաներում վստահությունը վերականգնելու համար:
Մոնտին, ով անցած ամսվանից զբաղեցնում է վարչապետի պաշտոնը, սենատորներին հայտնել է, որ այս միջոցառումները «ծայրահեղ հրատապ» պետք է իրականացնել, որպեսզի Իտալիան կարողանա «գլուխը բարձր» դուրս գալ Եվրոպայի ճգնաժամից:
