Ռուսական Regnum լրատվական գործակալության փոխանցմամբ, Ռուսաստանի ԱԳՆ-ի պաշտոնական ներկայացուցիչ Ալեքսանդր Լուկաշևիչն այսօր տեղի ունեցած ճեպազրույցի ժամանակ հայտարարել է, որ Ռուսաստանի ԱԳՆ-ն դրական է գնահատում երկու երկրների սահմաններին ապրանքաշրջանառության աուդիտի անցկացման վերաբերյալ համաձայնագրի կնքումը.
«Այդ համաձայնագիրն ամբողջովին համապատասխանում է այն նոր իրողություններին, որոնք Կովկասում ձևավորվել են 2008 թվականի օգոստոսյան դեպքերից հետո։ Ռուսական կողմը հուսով է, որ այդ համաձայնագիրը կնպաստի տարածաշրջանում առևտրային հարաբերությունների կարգավորմանը, ինչը կհամապատասխանի Առևտրի համաշխարհային կազմակերպության (ԱՀԿ) սկզբունքներին ու նորմերին։
2008 թվականի օգոստոսից հետո առաջին անգամ Վրաստանը ստորագրել է միջազգային պայմանագիր, որում հստակ նշված են այն վայրերը, որոնցում պետք է գործի մաքսային ծառայությունը։ Այսօր Աբխազիայի ու Հարավային Օսիայի միջոցով դեպի Վրաստան ապրանքաշրջանառությունն աննշան է, սակայն մենք հուսով ենք, որ վաղ թե ուշ կվերսկսվի նորմալ առևտուր։ Վրաստանը ճանաչել է Աբխազիայի ու Հարավային Օսիայի մաքսային սահմանները»։
